ശത്രുക്കളെ തകർത്തു തരിപ്പണമാക്കി ഇല്ലായ്മ ചെയ്യുന്ന യുദ്ധവീരനല്ല എന്റെ ദൈവം. സുരക്ഷക്കായുള്ള എന്റെ നിലവിളി ദൈവത്തിന്റെ പേരിലുള്ള യുദ്ധകാഹളമായിത്തീരുന്നത് രണ്ടായിരം വർഷങ്ങളിലെ പരമ്പരാഗത വിശ്വാസത്തിലൂടെ ക്രിസ്തുവിൽ നിന്ന് കേട്ടതിൽ വലിയ പോരായ്മയുണ്ടെന്നു തെളിയിക്കുന്നു. ക്രിസ്തുവിന്റെ നീതിബോധം എതിർവശത്തിനു നാശം വരുത്തിക്കൊണ്ടുള്ളതല്ല, എല്ലാവര്ക്കും സമാധാനവും മൈത്രിയും സാധ്യമാക്കിക്കൊണ്ടുള്ളതാണ്. ഐക്യദാർഢ്യം പോർവിളിയും ആഘോഷവും ആക്കപ്പെടുന്നുണ്ടെങ്കിൽ അതിൽ നീതിക്കു വേണ്ടിയുള്ള വിശപ്പും ദാഹവുമില്ല. ദൈവം രക്ഷിക്കുന്നത് എതിർവശത്തെ ഇല്ലാതാക്കിക്കൊണ്ടല്ല, എല്ലാവരെയും സമാധാനത്തിൽ ഒന്നാക്കിക്കൊണ്ടാണ്.
അതിശയിക്കാനൊന്നുമില്ല, ക്രിസ്തുവിനെ മാറ്റിനിർത്തിക്കൊണ്ടാണ് നമ്മൾ ദൈവത്തെ വരച്ചെടുക്കാൻ ശ്രമിച്ചത്.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ