ആരാധനാലയങ്ങളിലോ സംഹിതകളിലോ ഒതുക്കപ്പെടാൻ ഇഷ്ടപ്പെടാത്തതുകൊണ്ടാകാം ദൈവം കാലിത്തൊഴുത്തിൽ പിറന്നത്. കൊട്ടാരത്തിന്റെ സുരക്ഷാമതിലുകളോ അറിവിന്റെ അഹങ്കാരമോ അവിടെയുണ്ടായിരുന്നില്ല. മതപ്രതീകങ്ങളുടെ വിരികൾക്കുള്ളിൽ മറക്കപ്പെടേണ്ട രഹസ്യമായിരുന്നില്ല മനുഷ്യാവതാരം. തന്റെ ഏകജാതനെ നൽകുവാൻ തക്കവണ്ണം ദൈവം ലോകത്തെ അത്രമാത്രം സ്നേഹിച്ചു. ആ സ്നേഹത്തെ ഗൗനിക്കാത്തവർ, ദേവാലയത്തിന്റെ കൽഭിത്തികളിലെ ചിത്രപ്പണികളുടെ ഭംഗിയെ പുകഴ്ത്തുന്നു. ഹൃദയം കൊണ്ട് ദൈവത്തെ സ്നേഹിക്കുന്നവർക്ക് മലയിടുക്കുകളിലും കണ്ണുനീരിന്റെ താഴ്വരയിലും ദൈവമഹത്വം പ്രഘോഷിക്കപ്പെടുന്നു.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ