ദൈവം തനിക്കായി പ്രവാചകരെ അന്വേഷിക്കുന്നു, അനുരഞ്ജനത്തിന്റെ പ്രവാചകരെ, സത്യം പറയുന്ന പ്രവാചകരെ. സ്വന്തം ബിംബങ്ങൾ വെച്ചാരാധിക്കുകയും അതിനു കർത്താവെന്നും മിശിഹായെന്നും പേര് നൽകി ജനത്തെ വഞ്ചിക്കുകയും ചെയ്യുന്ന പ്രവാചകരെക്കുറിച്ച് ദൈവം ദുഃഖിക്കുന്നു. രാജാക്കന്മാരും പ്രവാചകരും തിന്മക്കായി കൈകോർത്തപ്പോഴാണ് ദൈവജനം ചിതറിക്കപ്പെടുകയും തിന്മപ്രവർത്തിക്കുകയും ചെയ്തത്. രാജാക്കന്മാർക്കും പ്രവാചകരുടെയും തന്ത്രങ്ങളിൽ ഞെരുക്കപ്പെടുന്ന നിസ്സഹായ സേവകരാണ് പുരോഹിതഗണം. ദൈവമാണ് അവരെ നിയമിച്ചതെന്ന് ഉറപ്പുള്ളവർക്ക് സമാധാനത്തിന്റെ പ്രവാചകരുടെ ഹൃദയം തിരിച്ചെടുക്കാം. സ്വയം പ്രവാചകരായി അവരോധിച്ചവർ, നിഷ്കളങ്കരെ നിലയില്ലാക്കയത്തിലേക്കു നയിച്ച കുഴലൂത്തുകാരായിരുന്നെന്നു കാലം ഇതിനകം തെളിയിച്ചു കഴിഞ്ഞു.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ