അപ്പസ്തോലിക

കല്ലറ അപരിചിതമായ ഒരു സ്ഥലമായിരുന്നില്ല മഗ്ദലേന മറിയത്തിന്.
അന്ധകാരത്തിന്റെ കനത്ത ഭാരമേല്പിക്കുന്ന അങ്ങനെയൊരു കല്ലറക്കുള്ളിലേക്ക് ജീവന്റെ നാഥനെ അടച്ചുകളയാനാകുമോ?

മറിയം കല്ലറക്കുള്ളിലേക്കു കുനിഞ്ഞു നോക്കി - ഒരിക്കൽ അവൾത്തന്നെ ചുമന്ന അവളുടെ ജീവശൂന്യത, സഹിച്ചു പോന്ന യാതനകൾ ...
ബോധങ്ങളെ അമർത്തി ഞെരിക്കുന്ന, ജീവന്റെ ശേഷിക്കുന്ന അംശവും മരവിപ്പിച്ചു കളയുന്ന ജീവശൂന്യമായ അന്ധകാരം, വേദനിപ്പിക്കുന്ന ചുമടുകൾ

മറിയം കല്ലറക്കുള്ളിലേക്കു കുനിഞ്ഞു നോക്കി
ഒരിക്കൽ അവളുടെ കല്ലറ അവളില്ലാതെ ശൂന്യമായി

ശൂന്യത

ദൈവം അവളെ സ്വന്തമാക്കിയിരുന്നു "നീ എന്റേതാണ്."
അതേ കർത്താവേ, നീ എന്റേതാണ്
സ്നേഹം അവളെ കല്ലറക്കു പുറത്തേക്കു വിളിച്ചു. അപ്പസ്തോലരുടെ അപ്പസ്തോലിക സൃഷ്ടിക്കപ്പെട്ടു.