കാത്തിരിക്കുന്നു അവനായ്, പതിവുപോലെ

"ഞാൻ അവനെ കാത്തിരുന്നു
ഞാൻ അവനെ അന്വേഷിച്ചു,
അവൻ എന്റെ അടുത്തേക്ക് വന്നു
ഞാൻ അവനെ തിരിച്ചറിഞ്ഞില്ല
അവൻ എന്നോട് പറഞ്ഞു അവൻ എന്നെ കണ്ടിരുന്നു
അവനുവേണ്ടി കാത്തിരിക്കുന്നതും, അന്വേഷിക്കുന്നതും.
എന്തുകൊണ്ടാണ് ഞാൻ അവനെ തിരിച്ചറിയാതിരുന്നത്?
ഞാൻ അവനെ തിരിച്ചറിഞ്ഞില്ല
കാരണം,
അവൻ അത്രമാത്രം പരിചിതനായി വരുമെന്ന് ഞാൻ ഒരിക്കലും പ്രതീക്ഷിച്ചില്ല: നഥാനയേൽ

ഓരോ ദിവസവും പതിവ് പോലെതന്നെ
പതിവുപോലെ എന്നും കാണുന്ന ആളുകൾ
എന്നും ചെയ്യുന്ന ജോലികൾ
ദിനത്തിന്റെ സന്തോഷങ്ങളും വേദനകളും പോലും ഒന്ന് തന്നെ
അതിനിടെ അവൻ കടന്നു പോകുന്നു.
കാത്തിരിക്കുകയും അന്വേഷിക്കുകയും ചെയ്യുന്ന എന്നെ കണ്ടു കൊണ്ടുതന്നെ
എല്ലാം പതിവ് പോലെ,
കിണർ, തീരം, പതിവ് പോലെ കയറുന്ന മല
കല്യാണവീടും കൽഭരണികളും
യാത്രചെയ്യുന്ന വാഹനം, പൂജയർപ്പിക്കുന്ന ദേവാലയം...
അവൻ എന്നെ കടന്നു പോയി
കാരണം
അത്ര പരിചിതരൂപത്തിൽ അവനെ കാണാൻ മാത്രം ഞാൻ ഒരുങ്ങിയിട്ടില്ലായിരുന്നു

കോണിപ്പടി, ഒരു പ്രത്യേക വൃക്ഷം, സ്തൂപം, പിരമിഡ് ...
കൂടിക്കാഴ്ചയുടെ അടയാളങ്ങൾ
പതിവ് പോലെ ഒരു ദിനം, പതിവ് പോലെ ഒരു നിമിഷം,
എന്നാൽ ആ കൂടിക്കാഴ്ച
അതെല്ലാം മാറ്റിക്കളയുന്നു
എന്റെ ജീവിതവും ദൈവജീവനും
അറിഞ്ഞ ജീവിതവും അതിന്റെ മാനങ്ങളും
ജീവിതവും അതിലെ അറിയാത്ത രഹസ്യങ്ങളും
നസ്രത്തിൽനിന്ന് നല്ല ഫലങ്ങൾ വിളയുന്നു

ആ കാത്തിരിപ്പും അന്വേഷണവും
അവനെ തിരിച്ചറിയാൻ
എനിക്കുവേണ്ടിയുള്ള മിശിഹാ
എന്നിലുള്ള മിശിഹാ

അതിരുകളില്ലാതെ സ്നേഹിച്ചു തുടങ്ങുക
ദൈവമനുഷ്യ സംപ്രീതയിൽ വളരാൻ
ആ സ്നേഹം ദൈവവും മനുഷ്യരുമായുള്ള നമ്മുടെ ബന്ധങ്ങളിൽ യാഥാർത്ഥ്യമാകുവാൻ ജ്ഞാനം നമ്മെ നയിക്കട്ടെ

_______________
See also As Usual at the Fig Tree