എന്നിൽ (ശാരീരികവും, ബൗദ്ധികവും, വൈകാരികവും സാമൂഹികവും സാംസ്കാരികവുമായി അനന്യനായ ഞാൻ എന്ന യാഥാർത്ഥ്യത്തിൽ) പ്രകടമാകാവുന്ന ഉദാത്തമായ നന്മയാണ് എന്നിലെ ക്രിസ്തു (സത്യവും നീതിയും സൗന്ദര്യവുമെല്ലാം അതേ നന്മയുടെ മറുഭാവങ്ങളാണ്). ഈ നന്മയെ തേടുകയെന്നത് വലിയ ഈറ്റുനോവുതന്നെയാണ്. അവനെ അനുഗമിക്കുക എന്ന് പറയുന്നതും, എന്റെ ഉള്ളിൽ ഉണ്ടാവേണമേ, എന്റെ ഉള്ളിലേക്ക് വരേണമേ എന്നൊക്കെ പറയുന്നത് ആത്മാർത്ഥമെങ്കിൽ, നമ്മിൽ ഈ നന്മയുടെ വെളിപാടിനെയാണ് നമ്മൾ ആഗ്രഹിക്കുന്നത്. അങ്ങനെ നമ്മിലും എല്ലാവരിലും, എല്ലാറ്റിലും പ്രകടമാകുന്ന സൗന്ദര്യം അറിയാൻ കഴിഞ്ഞെങ്കിൽ അവയൊക്കെയും പരസ്പരം യോജിക്കുന്ന ഐക്യപ്പെട്ടിരിക്കുന്ന ഒറ്റ രഹസ്യമെന്ന് നമുക്ക് തിരിച്ചറിയാം. അങ്ങനെ ആയിത്തീരുവാനും, തിരിച്ചറിയുവാനും കഴിയുന്നെങ്കിൽ രണ്ടാം വരവിനെ നമ്മൾ കണ്ടുകഴിഞ്ഞു.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ