വിജനമായ ഭൂമിയിൽ ഒരുവൻ സ്വീകരിക്കുന്ന രൂപത്തെ കാണിച്ചു തരുന്ന വെളിച്ചമാണ് സുവിശേഷം. ഈ സുവിശേഷത്തിന്റെ വെളിച്ചത്തെ മറച്ചുകളയുന്നതാണ് ഏതു പ്രലോഭനവും. പ്രലോഭനങ്ങൾ ഭീതിപ്പെടുത്തുന്ന തിന്മയുടെ രൂപത്തിലല്ല സമീപിക്കുന്നത്, നന്മയുടെ ഭാവങ്ങളിലാണ്. അതും, ദൈവത്തിന്റെ ശക്തിയുടെ രൂപങ്ങളിൽ.
എളുപ്പവിദ്യകൾ കാണിച്ചുകൊണ്ട് വിജനപ്രദേശത്തേക്ക് സഹായഹസ്തവുമായി വരുന്ന ദിവ്യരുണ്ട്. ദേവാലയഗോപുരത്തിനും മുകളിൽ അത്യുന്നതന്റെ കൂടാരത്തിന്റെ അകത്തളത്തിൽ വസിക്കുന്നവർ ആണ് അവർ എന്ന് അവർ സ്വയം പറയുന്നു. ആ ലോകത്തു അഭിരമിക്കുവാൻ പഠിപ്പിച്ചുകൊണ്ട് സുവിശേഷത്തിന്റെ സൗന്ദര്യവും സത്യവും സ്വാതന്ത്ര്യവും അവർ അകറ്റി നിർത്തുന്നു. കല്ലുകൾ അപ്പമാക്കപ്പെടുന്നതും, ദേവാലയമുകളിൽനിന്നും ചാടിവരുന്നവരായും അവർ കാണപ്പെടും.
ദേവാലയഗോപുരത്തിൽ നിന്ന് ചാടാനുള്ള സിദ്ധിയും, ദേവാലയത്തിന്റെ ശക്തിയും മാസ്മരികമാണ്. കല്ലുകളെ അപ്പമാക്കുന്നതും വലിയ ശക്തിയാണ്. ദൈവത്തിന്റെ വചനം മായാജാലത്തിന് ഉപകരണമാവുകയും, ദൈവത്തിന്റെ കരുതൽ താരശോഭക്കുള്ള മാർഗ്ഗമായും മാറുന്നു. സുവിശേഷഭാഗ്യങ്ങൾക്ക് അവിടെ ഇടമില്ലാതാവുകയും തിന്മയുടെ മുമ്പിൽ താണുവണങ്ങുകയും ചെയ്യുന്നു.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ