കയ്യാപ്പാസിന്റെ അരമനയിൽ വലിയൊരു വിരുന്നുണ്ടായിരുന്നു. മേശക്കു ചുറ്റും കൂടിയവർ വന്യമായി ആർത്തുചിരിച്ചു. അവന്റെ ഒരു ദൈവരാജ്യം! നമ്മൾ തീരുമാനിക്കും എങ്ങനെ ആണ് ദൈവരാജ്യമെന്ന്. പകയുടെ മത്ത് പതിയെ കുറഞ്ഞപ്പോഴാണ് അവൻ ഉയിർത്തെന്നു പറഞ്ഞ് പത്രോസ് പ്രസംഗിക്കുന്നത് കേട്ടത്. അവന്റെ പിറകെ കൂടിയിരിക്കുന്ന, സ്ത്രീകളെയും കുട്ടികളെയും അടക്കം,സകലതിനെയും പുറത്താക്കണം. സൗകര്യമുണ്ടെങ്കിൽ ദൈവരാജ്യത്തിൽ കേറിയാൽ മതി. താക്കോൽ നമ്മുടെ കൈയിലാണല്ലോ. ദേവാലയത്തിൽ പ്രവേശനം നിഷേധിക്കപ്പെട്ടവർ ശവക്കല്ലറകളിൽ അപ്പം മുറിച്ചു. ക്രിസ്തു അവർക്കിടയിൽ സന്നിഹിതനായിരുന്നു.
ഭോഷനായ മനുഷ്യാ, ദൈവം നിന്റെ ദൈവരാജ്യത്തിന്റെ ചക്രസീമകളിലല്ല. സൻഹെദ്രീനിൽ നിന്നും ദൈവം ഇറങ്ങിപ്പോയിട്ടു നാളെത്രയായിരിക്കുന്നു. നിന്റെ നിർമ്മിതികളിലേക്കു ചെരിയുന്നവനല്ല ദൈവം. താക്കോൽ ഇല്ലാത്ത വാതിലാണ് ദൈവരാജ്യം. അധികാരഗർവ്വിന്റെ അൾത്താരകളിൽ ദൈവാരാധനയല്ല, ദുരാചാരമാണ് നടത്തപ്പെടുന്നത്.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ