പറഞ്ഞതും ചുരുളുകളിൽ എഴുതിയതുമൊക്കെ വ്യർത്ഥമായിരുന്നെന്നു അയാൾക്ക് തോന്നി. വ്യാജം പ്രവചിച്ച പ്രവാചകരും നുണകളുടെ വിഷം പകർന്ന പുരോഹിതരും ജനം വഹിച്ചു തുടങ്ങിയ ഇരുമ്പുനുകത്തിന്റെ ഭാരമേറ്റില്ല. വിടവുണ്ടാക്കുന്നവൻ എന്ന പേരിൽ നിന്ന് മാറ്റി പാഷൂർ എന്ന പുരോഹിതന് 'സർവത്രഭീതി' എന്ന പുതിയ പേര് ദൈവം നൽകുന്നെന്ന് അയാൾ പറഞ്ഞു; മരത്തിന്റെ നുകം തകർത്ത് കൊട്ടാരത്തിന് സർവ്വൈശ്വര്യം പ്രവചിച്ചവന് ദൈവം നൽകിയ പേര്.
ദേവാലയം കത്തിയെരിയുന്നതും സംരക്ഷണഭിത്തികൾ തകർന്നു വീഴുന്നതും അയാൾ നിസ്സഹായനായി ദൂരെനിന്നു കണ്ടു. ഈജിപ്തിലെവിടെയോ വച്ച് അയാൾ കല്ലെറിയപ്പെട്ടു എന്ന് പറയപ്പെടുന്നു.
ജെറെമിയ പിന്നീട് നിശബ്ദനായി.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ