സഭയുടെയും വിശ്വാസത്തിന്റെയും സാർവത്രികത വിശ്വാസം കൊണ്ടോ ധാർമികചിന്ത കൊണ്ടോ അടക്കി ഭരിച്ചു കൊണ്ടല്ല, മറിച്ച് അതുൾക്കൊള്ളുന്ന എല്ലാറ്റിനെയും തുറവിയോടെ സ്വീകരിച്ചുകൊണ്ടാണ്. അങ്ങനെയാണ് കത്തോലിക മാനം സഭക്കുള്ളത്; പൂർണതയിലേക്ക് തുറവിയുള്ളത്!
വിശ്വാസം, സംസ്കാരം, പാരമ്പര്യം തുടങ്ങിയവയിലെ വ്യത്യസ്തതകൾ ആരെയെങ്കിലും മാറ്റി നിർത്തുവാൻ ഉള്ള കാരണമായി ഊന്നിപ്പറയപ്പെടുമ്പോൾ, കൂട്ടായ്മ ആഗ്രഹിക്കുന്ന സ്വീകാര്യതയിലെ തുറവിയെക്കാൾ, ഒരുമിച്ചു നടക്കാനും, ഒരുമിച്ചു പ്രവർത്തിക്കാനും ഒരിക്കലും നമ്മൾ ശ്രമിക്കരുത് എന്ന് എടുത്തു പറയുകയാണ്. കൂട്ടായ്മ എന്നത് കൂട്ടിക്കെട്ടിയിടപ്പെടുന്ന ഒരു സമൂഹമല്ല, പരസ്പരം സ്വീകരിക്കുന്ന, കൂടുതൽ സ്വീകരിക്കാൻ തുറവിയുള്ള സമൂഹമാണ്. കൂട്ടായ്മയെ മാറ്റി നിർത്തുന്ന സഭ സഭയല്ലാതാകുന്നു, സഭയല്ലാതെ സഭ പറയുന്ന കാര്യങ്ങൾക്ക് ഒരു ക്ലബ് യോഗത്തിലെ പ്രസ്താവനയുടെ വിലയേയുള്ളു.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ