"സ്നേഹനിധിയായ അമ്മേ, ഞങ്ങളെ എല്ലാവരെയും ഒരുമിച്ചു ചേർക്കുന്ന സ്നേഹബന്ധത്തിൽ ഞങ്ങളെല്ലാവരും ഒരു വലിയ കുടുംബത്തിലേതാണെന്ന ബോധ്യം ഞങ്ങൾക്ക് നൽകേണമേ. അങ്ങനെ, സഹോദര്യത്തിലും ഒത്തൊരുമയിലും പാവങ്ങൾക്കും വിവിധദുരിതങ്ങൾക്കിരയായവർക്കും സഹായമാകുവാൻ ഞങ്ങൾക്കാവട്ടെ. വിശ്വാസത്തിൽ ഉറപ്പും, സേവനങ്ങളിൽ സ്ഥിരോത്സാഹവും, നിരന്തരമായി പ്രാർത്ഥിക്കുവാനുള്ള കൃപയും ഞങ്ങളിൽ വളർത്തേണമേ."
മെയ് മാസത്തിലെ ജപമാലക്കു തുടക്കം കുറിച്ച് കൊണ്ട് ഫ്രാൻസിസ് മാർപാപ്പയുടെ പ്രാർത്ഥനയാണിത്. നമ്മുടെ പരസ്പര ബന്ധം, അത് പ്രേരിപ്പിക്കുന്ന പരസ്പരമുള്ള കടമകൾ, ജീവിതത്തിന്റെ പ്രതിബദ്ധത എന്നിവ ഭക്തിയുടെ ഭാഗം തന്നെയാണെന്ന് ഈ പ്രാർത്ഥന ഓർമ്മിപ്പിക്കുന്നു. പ്രാർത്ഥനയിൽ ഈ ദൃഢത നഷ്ടപ്പെടുമ്പോളാണ് എളുപ്പം അത് അനുഷ്‌ഠാനങ്ങളിലുള്ള സംതൃപ്തിയാകുന്നത്. ജപമാല പ്രാർത്ഥിച്ചു ധ്യാനിക്കുമ്പോൾ നമ്മുടെയും മറ്റുള്ളവരുടെയും ജീവിതത്തിലെ രക്ഷാകര നിമിഷങ്ങളും ധ്യാനിക്കപ്പെടട്ടെ.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ