"എന്റെ പഠനത്തിലും ഉപവാസങ്ങളിലും ജാഗരണത്തിലും അങ്ങയെ മാത്രമാണ് ഞാൻ തേടിയത്, അങ്ങയെ മാത്രം," വി. അക്വീനാസിന്റെ മനോഭാവം ഏതൊരാൾക്കും ഉദാഹരണമാണ്. ശാസ്ത്രമാവട്ടെ, മതമാവട്ടെ, വിശ്വാസമാവട്ടെ, ചരിത്രമാവട്ടെ എത്ര ഗഹനമായ അറിവും, സത്യത്തിന്റെ പൂർണ്ണതയുടെ അവകാശ വാദമുന്നയിക്കുന്നെങ്കിൽ അത് ദൈവത്തിനെതിരെ സ്വയം അടക്കുന്നതാണ്. അറിഞ്ഞതും എഴുതിയതുമെല്ലാം ഒന്നുമല്ല എന്ന എളിമയാണ് ദൈവമെന്ന ഹൃദയത്തിലേക്കുള്ള പാരമ്യമായ ചുവടുവയ്പ്. എത്രയോ അജ്ഞാതവും അപരിചിതവും, വ്യത്യസ്തവുമാവട്ടെ, സ്വാർത്ഥതയും അഹന്തയും പകയും കാർക്കശ്യവും നയിക്കാത്ത അവബോധങ്ങളിലെല്ലാം ക്രിസ്തുവിന്റെ വെളിച്ചമുണ്ട്. അടുക്കും തോറും കൂടുതൽ വെളിച്ചം കാണുകയും ചെയ്യാം.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ