ആരാധന

ഓരോരുത്തരും അവരവരുടേതായ മോക്ഷസായൂജ്യം കണ്ടെത്തുന്ന ആത്മീയതയല്ല ക്രിസ്തു പഠിപ്പിച്ചത്. അതുകൊണ്ടാണ് സമൂഹമായി ഒരുമിച്ചു ചേരുന്ന പരസ്പര സാന്നിധ്യം ആരാധനയിൽ ഒരു അടയാളമാകുന്നതും. പരസ്പര സാന്നിധ്യമെന്നത് വെറുതെ ഒരു ദേവാലയത്തിൽ ഒരുമിച്ചു നിൽക്കുന്നതല്ല. ഓരോരുത്തരുടെയും ജീവിതങ്ങളെ അറിയുന്നതാണ്. ലാസറിന്റെ കബറിടത്തിങ്കൽ പ്രാർത്ഥന കേൾക്കുന്നവനും, പാദം കഴുകി തുടച്ച സ്ത്രീക്ക് പാപമോചനം നൽകുകയും കുഷ്ഠരോഗിയെ ആലിംഗനം ചെയുകയും ചെയ്യുന്ന ദൈവസാന്നിധ്യം അറിയുകയും അത് പകർന്നു നൽകുകയും ചെയ്തതായിരുന്നു ആരാധന. പ്രവാചകർ തുറന്നു വച്ച നീതിയുടെ വലിയ ആത്മദർശനം ക്രിസ്തു സത്യമായും ആരാധനയാക്കി. ദേവാലയത്തിലോ പ്രതിഷ്ഠയിലോ ചുരുക്കാമായിരുന്നതല്ല ക്രിസ്തുവിന്റെ ദൈവം. ക്രിസ്തുവിന്റെ ദൈവത്തെ കണ്ടെത്തിയിട്ടുള്ള ക്രിസ്ത്യാനികൾ ചുരുക്കം.