ധാന്യവും പതിരും!

ദൈവവും ദൈവമെന്നു കരുതപ്പെടുന്നതും,
ക്രിസ്തുവും ക്രിസ്തുവെന്നു കരുതപ്പെടുന്നതും,
സഭയും സഭയെന്നു കരുതപ്പെടുന്നതും,
വിശ്വാസവും വിശ്വാസമാണെന്ന് തെറ്റിദ്ധരിക്കപ്പെട്ടവയും,
ആത്മീയതയും, ആത്മീയതയെന്നു തെറ്റിദ്ധരിക്കപ്പെട്ടവയും,
ധ്യാനവും ധ്യാനമെന്നു കരുതപ്പെടുന്നവയും
ധാന്യവും പതിരും!

കലവറകളിൽ നിറഞ്ഞതു ധാന്യമോ പതിരോ?
ചുങ്കക്കാരും പാപികളും ദൈവരാജ്യത്തിൽ മുമ്പേ ഭക്ഷണത്തിനിരിക്കും എന്ന് ഗുരു പറഞ്ഞതും ഭക്തരെന്ന് സ്വയം കരുതിയവർ പതിരുകൾ ശേഖരിച്ചതുകൊണ്ടാവാം.

പല്ലുകടിയും വിലാപവും 'വിശ്വാസിയുടെ' ഭാഷയാകുന്നതിന്റെയും കാരണം അതു തന്നെ.