മാനസാന്തരം/ പശ്ചാത്താപം എന്നത് അനുവർത്തിക്കേണ്ട പരിഹാരപ്രവൃത്തികളെ ബന്ധപ്പെടുത്തിയാണ് ചിന്തിക്കാറ്. പരിഹാരപ്രവൃത്തിയിൽ ഒതുക്കിത്തീർക്കാവുന്ന മാനസാന്തരങ്ങൾ കൊടുക്കൽ വാങ്ങലുകളിലെ കച്ചവടശീലങ്ങളാണ്. അവ ഭക്തചിട്ടകളിൽ ഒതുങ്ങിനില്കുന്നവയാണ്. മാനസാന്തരം നിർബന്ധമായും ചേർത്തുവയ്ക്കുന്ന ഉത്തരവാദിത്തങ്ങളുണ്ട്. ഇത്തരം ഉത്തരവാദിത്തങ്ങളെക്കുറിച്ചുള്ള അവബോധം ദൈവാരാജ്യനിർമിതിയിലേക്കുള്ള ആത്മാർത്ഥതയാണ്. കുടുംബത്തോടും, സമൂഹത്തോടും, പ്രകൃതിയോടും സ്വന്തം വ്യക്തിയോടുമുള്ള ഉത്തരവാദിത്തങ്ങൾ മാനസാന്തരസങ്കല്പങ്ങളിൽ ഇടം പിടിക്കാത്തതുകൊണ്ടാണ് ദൈവരാജ്യവും അകന്നു നില്കുന്നത്. അത്തരം ഉത്തരവാദിത്തങ്ങളിലൂടെയേ മാനസാന്തരത്തിനു യോജിച്ച ഫലങ്ങൾ പുറപ്പെടുവിക്കുവാനും സാധിക്കൂ.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ