ഹേറോദേസ്

ക്രൂരതയും ഭയവും നിറഞ്ഞ ഒരാൾക്ക് അധികാരം ലഭിച്ചാലുള്ള അപകടമാണ് ഹേറോദേസ് കാണിക്കുന്നത്. രക്തവും മരണവും അത്തരക്കാർക്ക് ആനന്ദമാണ്. 

പലായനം ചെയ്യുന്ന ആരുടേയും ഭയം ഈജിപ്തിലേക്ക് പോയ യൗസേപ്പിനും മറിയത്തിനും ഉണ്ടായിരുന്നു; വേട്ടയാടപ്പെടുന്നവരുടെ മരണഭയം. 

മരണത്തിനിരയായ കുഞ്ഞുങ്ങളെ വീരവൽക്കരിക്കുകയല്ല മറിച്ച്, ആ കൊലയെ അപലപിക്കുകയാണ് വേണ്ടത്. അത് കണ്ണാടിയിലെന്നപോലെ അയാളുടെ ക്രൂരതയും  ഭയവും അയാൾക്ക്‌ കാണിച്ചു കൊടുക്കണം.

മരണത്തിന് എറിഞ്ഞുകൊടുക്കപ്പെടുന്ന പാവങ്ങളിൽ ഓരോന്നിലും ഈ ശിശുക്കൾ പിടയുന്നു.

പട്ടിണിയിലേക്ക് വലിച്ചിഴക്കപ്പെടുന്ന, നേർക്കാഴ്ചകളുടെ ആഘാതത്തിൽ മനസ് നിശ്ചലമായിപ്പോകുന്ന ഓരോ കുഞ്ഞും ഇരയാക്കപ്പെട്ട കുഞ്ഞിപ്പൈതങ്ങൾ തന്നെ.