എസെക്കിയേലിന്റെ ദേവാലയ ദർശനം ഭാവനയിൽ കണ്ടാൽ, കൃപാപ്രവാഹത്തിന്റെ സാന്നിധ്യമാണ് എല്ലായിടത്തും. യോഹന്നാന്റെ സുവിശേഷവും അങ്ങനെ ഒരു കൃപാവസരത്തിന്റെ സുലഭത എടുത്തു കാണിക്കുന്നുണ്ട്. പ്രകാശം, സത്യം, ജീവജലം, ജീവൻ എന്നിവയെല്ലാം സമൃദ്ധമാണ്. എന്നിരുന്നിട്ടും മനുഷ്യന് കുറവുകളാണ്; കാനയിൽ വീഞ്ഞിന്റേത്, നിക്കോദേമോസിന് അറിവിന്റെ, അന്ധന് കാഴ്ചയുടെ, സമരിയക്കാരിക്ക് സ്വാതന്ത്ര്യത്തിന്റെ ലാസറിന് ജീവന്റെ. ലാസറിനു ജീവൻ നൽകുന്നത് മുതൽ ക്രിസ്തുവിന്റെ മരണം കുറിക്കപ്പെട്ടു. ഓരോ ക്രിസ്തുശിഷ്യനും വഹിക്കുന്ന കുറവുകൾ ഏങ്ങലുകൾ ആണ്. അത് ജീവരാഹിത്യത്തിന്റെ പിടച്ചിൽ കൂടിയാകുമ്പോൾ പാപം എന്ന അഴുകലിലേക്കു നയിക്കും. ക്രിസ്തു ഏങ്ങലടിക്കുന്നത് ഒരേ സമയം നമ്മുടെ വേദനയുടെ ഏറ്റെടുക്കലും ആ വിങ്ങലുകളിലേക്കു ജീവന്റെ ആശ്വാസത്തിന്റെ നിശ്വാസവുമാണ്. ക്രിസ്തുവിനെ പിൻചെല്ലാൻ ആഗ്രഹിക്കുന്ന ആരും ഓരോ ദിവസവും കേൾക്കേണ്ട സ്വരമാണ്, ദൈവം സഹായമായുള്ളവനേ പുറത്തു വരൂ, ജീവനിലേക്ക്, കൃപയിലേക്കു പ്രവേശിക്കൂ.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ