'The Bible in its Traditions' ബൈബിളിനെക്കുറിച്ചുള്ള ഒരു ഗവേഷണ പദ്ധതിയാണ്. പുസ്തകരൂപത്തിലേക്ക് ഈ ഗവേഷണഫലങ്ങൾ കൊണ്ടുവരാനാവില്ല എന്നതിന്റെ കാരണം അതിന്റെ വലിയ ആഴവും വ്യാപ്തിയും തന്നെയാണ്. ഓർത്തഡോക്സ്‌, കത്തോലിക്ക്, പ്രൊട്ടസ്റ്റന്റ് വ്യത്യാസമില്ലാതെ ഈ വിവർത്തനങ്ങളും വ്യാഖ്യാനങ്ങളും സമീപിക്കാമെന്നതുകൊണ്ട് ഇത് ഒരു പരസ്പര സംഭാഷണത്തിന് കൂടി പശ്ചാത്തലമൊരുക്കും. കാത്തോലിക് വ്യാഖ്യാനങ്ങൾക്കു ഊന്നൽ കൊടുക്കുമ്പോഴും, ബൈബിളിനോടുള്ള യഹൂദ മുസ്ലിം സമീപനങ്ങളും ഇവിടെ കണ്ടെത്തുവാൻ നമുക്ക് കഴിയും. അപ്പോക്രിഫൽ ഗ്രന്ഥങ്ങൾ മാത്രമല്ല അതിപുരാതനസംസ്കാരങ്ങളിലെ സങ്കല്പങ്ങളും ആചാരരീതികളും കണ്ടെത്താനാകുന്ന ലിഖിതങ്ങളും മറ്റും ഒരുമിച്ചു വെച്ചാണ് ഈ ഗവേഷണ പദ്ധതി ബൈബിൾ വായിക്കുവാൻ പരിശ്രമിക്കുന്നത്. മനുഷ്യ ഹൃദയങ്ങൾ അതിന്റെ ചരിത്രത്തിൽ എങ്ങനെയൊക്കെ വചനം കേട്ടിരുന്നു എന്നതിന്റെ കൂടി അന്വേഷണമാണിത്. അതുകൊണ്ട് ബൈബിളും അതിന്റെ പാരമ്പര്യങ്ങളും, വചനവും മാനവികതയും തമ്മിലുള്ള സംഭാഷണം കൂടിയാകും.
സാംസ്കാരികവും മതപരവുമായ വ്യത്യസ്തതകൾ മാറ്റി നിർത്തി അവക്ക് മീതേ നിന്നെങ്കിലേ പരസ്പര സൗഹൃദങ്ങൾ സാധ്യമാകൂ എന്ന് കരുതിയിരുന്നതിൽ നിന്നും ആ വൈവിധ്യങ്ങളെ മുഴുവൻ ഉൾക്കൊണ്ട് കൊണ്ട് തന്നെ പരസ്പരം കണ്ടെത്തുവാൻ നമുക്കാകുമെന്ന് ഈ ബൈബിൾ പഠനം സാക്ഷ്യപ്പെടുത്തുന്നു. അങ്ങനെ പാരമ്പര്യവും സമകാലീന ഗവേഷണശൈലികളും ഒരുമിച്ചു വച്ചുകൊണ്ട് വചനം ശ്രവിക്കുവാനുള്ള ഒരു പ്രയത്നമാണത്.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ