തന്നിൽ ദൈവഹിതം പൂർത്തിയാവുന്നതു കണ്ടു വിശ്വസിച്ചു തനിക്ക് പിന്നാലെ നടന്നവരുടെ പാദങ്ങൾ അവൻ ശുശ്രൂഷിച്ചു ചുംബിച്ചു. സുവിശേഷം നൽകുന്ന സമാധാനമാണ് ആ പാദങ്ങൾക്ക് സുരക്ഷ പകരുന്നത്.
ജീവിച്ചതിലും മരിച്ചതിലും ക്രിസ്തു പാലിച്ചത് ദൈവത്തോടുള്ള വിശ്വസ്തതയാണ്. സകലത്തിലും ജീവൻ സമൃദ്ധമായി ഉണ്ടാവുക എന്ന ദൈവഹിതമാണ് ക്രിസ്തു യാഥാർത്ഥ്യമാക്കാൻ ശ്രമിച്ചത്. അവൻ അത് ഇന്നും ചെയ്യുന്നു. ജനപ്രമാണിമാരും, നിയമജ്ഞരും, പുരോഹിതരും അന്വേഷിച്ചത് ദൈവഹിതമായിരുന്നില്ല എന്നത് വിവേചിച്ചറിഞ്ഞ ക്രിസ്തുവിന് അവരിൽ നിന്ന് വേറിട്ട് നടക്കുക എന്നത് ദൈവഹിതം അനുസരിക്കുന്നതിന് അനിവാര്യതയായി.
ദൈവഹിതം അന്വേഷിക്കുന്നവരുടെ ജീവിതമൂല്യങ്ങളാണ് സുവിശേഷം. ക്രിസ്തുവിൽ നിന്ന് പഠിക്കുകയും പിഞ്ചെല്ലുകയും ചെയ്യുന്ന പാഠം. സമാധാനം മുന്നോട്ടു നയിക്കുന്ന പാതകളേ സുവിശേഷദീപ്തിയാൽ പ്രകാശിക്കൂ. ദൈവത്തിന്റെ പേരിലുള്ള മതങ്ങളോ സ്ഥാപനങ്ങളോ പ്രസ്ഥാനങ്ങളോ ശുശ്രൂഷകളോ എന്തു തന്നെയാവട്ടെ,സമാധാനം മാർഗ്ഗരേഖയാകാത്ത ഒരു ഘടനയും ദൈവഹിതം അന്വേഷിക്കുന്നില്ല. കാരണം, അത് ജീവനിലേക്കു നയിക്കുന്നില്ല.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ