തിന്മകളെ ചെറുക്കാൻ

തിന്മകളെ ചെറുക്കാൻ അവയെ പേരെടുത്തു പറഞ്ഞു വിധിച്ചതുകൊണ്ടായില്ല. നന്മകളുടെ വളർച്ച ഹൃദയങ്ങളിൽ സംഭവ്യമാക്കിക്കൊണ്ടേ അത് സാധ്യമാകൂ. വിധിക്കപ്പെട്ട തകർന്ന മനുഷ്യജീവിതങ്ങളെ ഉയർത്തുക എന്നതു കൂടി അത് ഉൾക്കൊള്ളുന്നു. നന്മകളുടെ വളർച്ചക്കും തകർന്നവരിലെ ഉന്നമനത്തിനും ആഗ്രഹിക്കുന്ന ഹൃദയത്തിനു സമാധാനത്തിന്റെ വലിയ വിശാലത ആവശ്യമാണ്.

സ്വന്തം സുരക്ഷ മാത്രം തേടുന്ന പ്രാർത്ഥനകൾ യഥാർത്ഥത്തിൽ ഭയത്താൽ നയിക്കപ്പെടുന്നവയാണ്. ദൈവാനുഗ്രഹം, സമാധാനം എന്നിവ അടിസ്ഥാനമാക്കിയിരിക്കുന്ന സുരക്ഷ ജീവന്റെ ആഴങ്ങളിൽ കരുത്ത് പകരും.

"ദൈവം നിന്നെ അനുഗ്രഹിക്കുകയും പരിപാലിക്കുകയും ചെയ്യട്ടെ,
അവിടുന്ന് നിന്നിൽ പ്രസാദിക്കുകയും നിന്നോട് കരുണ കാണിക്കുകയും ചെയ്യട്ടെ,
അവിടുന്ന് കരുണയോടെ കടാക്ഷിച്ചു നിനക്ക് സമാധാനം നൽകട്ടെ." 

ശാലോം എന്ന അഭിവാദനം ഇത് മുഴുവൻ ഉൾക്കൊള്ളുന്നു.