ക്രിസ്തു അനുഭവം എന്നത് ഒരു വിശ്വാസധാരയിലേക്കോ ആചാരങ്ങളിലേക്കോ ചുരുക്കാവുന്നതല്ല. ഒരു മനുഷ്യന്റെ സത്തയുടെ വെളിപാടാണ് അവനിലെ/ളിലെ ക്രിസ്തുരൂപം. അതുകൊണ്ടാണ് സുവിശേഷ മൂല്യങ്ങളെ അടുത്തറിയാൻ ശ്രമിക്കുന്നവർക്ക് ക്രിസ്തു ഏറ്റവും ഹൃദ്യമായ കണ്ണാടിയാകുന്നത്. ആത്മാർത്ഥമായ ആഗ്രഹവും ക്രിസ്തുവിനോടുള്ള സൗഹൃദവുമാണ് ഒരു മനുഷ്യനിൽ ക്രിസ്തു രൂപമുണ്ടാക്കുന്നത്. ഈ രൂപാന്തരണത്തിലേക്ക് നൽകപ്പെടുന്ന സ്വാതന്ത്ര്യമാണ് രക്ഷ. ക്രിസ്തുവിന്റെ ജീവിതത്തെ മനുഷ്യന്റെ ആഴങ്ങളായി കാണുന്ന, അതിനായി പ്രയത്നിക്കുന്ന, ആർക്കും വളരാവുന്ന സ്വാതന്ത്ര്യം. എല്ലാവരുടെയും രക്ഷകനെന്നു ക്രിസ്തുവിനെ വിളിക്കുമ്പോഴും, അവൻ മതങ്ങളുടെയോ മതവിഭാഗങ്ങളുടെയോ കുത്തകയാക്കി മാറ്റപ്പെടുമ്പോൾ അവർ ഉയർത്തിപ്പിടിക്കുന്നത് തങ്ങളുടെ ക്രിസ്തുവിനെയാണ്, സുവിശേഷത്തിന്റെ ക്രിസ്തുവിനെയല്ല.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ