നിശബ്ദമാണ് വെളിപാടുകൾ

പറഞ്ഞറിയിക്കുന്നതിനേക്കാൾ, ഹൃദയമന്ത്രണത്തിന്റെ പോലെ നിശബ്ദമാണ് വെളിപാടുകൾ. ഒരു പൂവ് വിടരുന്നതിലെ, വിത്ത് മുളക്കുന്നതിലെ ശാന്തതയും അവർണ്യമായ അത്ഭുതവും അതിലുണ്ട്. ഓരോ സൃഷ്ടിയെയും പുളകമണിയിക്കുമാറ് അത്ര സ്നേഹപൂര്ണമാണ് ഓരോ വെളിപാടും. പുല്ലും പുൽച്ചാടിയും വണ്ടും പൂവും മഞ്ഞുതുള്ളിയും പുഞ്ചിരിയോടെ യാഗാർപ്പണം ചെയ്യുന്നു. അല്പം കൂടി ആഴമായി ചുറ്റുമൊന്നു നോക്കാൻ കഴിഞ്ഞാൽ ആ നിശബ്ദ വെളിപാടുകൾ 'പരിശുദ്ധി'യുടെ അനുഭവത്തിൽ നമ്മെയും വിറകൊള്ളിക്കും. നീ നിൽക്കുന്ന സ്ഥലം പരിശുദ്ധം തന്നെ.